Mövsümümü ikinci pillədə bitirən "Xəzər Lənkəran" heyətinə qaytardığı Manuel Skarlatake Cənub təmsilçisinin düşərgəsinə yüksək əhval-fuhiyədə gəlir. Korner.az-ın məlumatına görə, rumıniyalı futbolçu ötən gün ölkə kubokunun finalında “Rapid"lə matçda yeganə qolun müəllifi olub.
Buxaretsdə baş tutan həlledici matçda Skarlatake uğurlu oyun nümayiş etdirərək, "Dinamo"dan titulla ayrılıb. Bununla da çempionatı 5-ci yerdə bitirən “Dinamo” Avroliqaya vəsiqə qazanıb və “Xəzər Lənkəran” da həmin turnirə çıxdığından, potensial rəqibdirlər. Əgər Yunis Hüseynovun rəhbərlik etdiyi komandar mərhələ adlayarsa, Manuel Buxarest klubu ilə bu dəfə rəqib kimi üzləşəcək.
Qeyd edək ki, Skarlatake bir müddət öncə müqavilə bağladığı “Xəzər Lənkəran”ın heyətinə iyunda Avstriyadakı təlim-məşq toplanışında qatılacaq.
