Bildiyiniz kimi “Xəzər Lənkəran”ın yeni baş məşqçisinin adı məlum oldu. Beləliklə, Lənkəran klubu ilə 2 illik müavilə bağlayan ispaniyalı Karles Matorell Bakes bu klubun yeni baş məşqçisi kimi fəaliyyətə başladı. Bəs, kimdir bu mütəxəssis?
Korner.az “Xəzər Lənkəran” klubunun yeni baş məşqçisini sizə təqdim edir.
Öncə ondan başlayaq ki, Bekes onun işlənməyən, üçüncü soyadıdır. İspaniyada hamı onu Karles Martorell kimi tanıyır. Matrorell 1973-cü ildə anadan olub. Hazırda PRO kateqoriyalı məşqçidir. Özü də Barcelona Physical Education University-nin məzunudu.
İllərlə Kataloniya Futbol Federasiyasında işləyib. FCB-də Barselona metodologiyasının təhsili üzrə çalışıb. Maraq üçün deyək ki, Martorell heç vaxt klub çalışdırmayıb. O, daha çox “Barselona”nı xarici ölkələr üzrə kampuslarda (məktəblər) təmsil edib. Onların sırasında Çin, Sloveniya, Xorvatiya, İtaliya kimi ölkələr var. Azərbaycana gəlməsində əsas rolu isə hazırda “Xəzər Lənkəran”da fiziki hazırlıq üzrə məşqçi işləyən Roketa oynayıb. O da maraqlıdır ki, Roketanın özü “Xəzər Lənkəran” elə Karlesin məsləhəti ilə gətirmişdi.
“Xəzər Lənkəran”ın yeni baş məşqçisi haqqında daha bir maraqlı məlumat isə onun məşhur “Tactics” şirkətinin sahibidi. Həmin şirkət həm menecerliklə məşğuldu, həm də “Barselona”-nı bütün dünyada təmsil etmək üçün klub tərəfindən verilən lisenziyaya sahibdi.
sportinfo.az
