ANS “Xəzər Lənkəran”ın iyulun 2-də Maltada “Slima” klubuna qarşı keçirəcəyi ilk oyunu canlı yayımlamaq fikrindədir.
Korner.az futbol11.az saytına istinadən xəbər verir ki, bu barədə “Xəzər Lənkəran” klubunun mətbuat xidmətinin rəhbəri Hüseyn Cəbrayıloğlu məlumat verib.
Klub rəsmisi bildirib ki, telekanallardan təkcə ANS yayımla bağlı müraciət edib: “Amil Hacıyev məni arayıb, belə bir istəkləri olduğunu bildirdi. Danışıqları hazırda “Xəzər Lənkəran” aparır. Hər şey bizdən və Maltada olan şəraitdən, eləcə də kanallardan asılıdır. Əgər hər hansı bir ciddi problem çıxmasa, o zaman oyun canlı yayımlanacaq”.
Qeyd edək ki, “Slima” – “Xəzər Lənkəran” oyunu iyulun 2-də, Bakı vaxtı ilə saat 20:45-də başlanacaq.
