Hazırda İsrailin Hayfa şəhərində “Makkabi” ilə oyuna hazırlaşan “Xəzər Lənkəran”ın düşərgəsində iki xoş hadisə qeyd olunur.
Korner.az-ın klubun rəsmi saytına istinadən yaydığı xəbərə görə, cənubluların yarımmüdafiəçisi Adrian Pitin doğum günüdü.
30 yaşını qeyd edən rumıniyalını komanda yoldaşları təbrik etməyə hazırlaşdığı bir vaxtda digər sevincli xəbər İspaniyadan gəlib. Az öncə də xəbər verdiyimiz kimi axşam saatlarında ispaniyalı müdafiəçi Alvaro Silvanın oğul övladı dünyaya gəlib.
