“Xəzər Lənkəran” klubunun baş məşqçisi Con Toşak “İnter”lə oyun öncəsi qısa açıqlama verib.
Korner.az-ın klubun rəsmi saytına istinadən verdiyi məlumata görə, o, azarkeşlərdən tribunaları doldurub, sondək komandalarını dəstəkləməklərini xahiş edib.
O, son turlarda yaxşı oynadıqlarını və bunun nəticələrdə də öz əksini tapdığını deyib. Toşak ötən turda iki qol vuran Nildo haqqında da danışıb: ” Nildo son oyunlarda yaxşı oynasa da, qol vura bilmirdi, lakin azarkeşlərimiz onu sona qədər dəstəklədi və Nildo da onların etimadını doğrultdu”.
Uelsli mütəxəssis hələ də bəzi çatışmazlıqlarının olduğunu və çalışaraq bunları ardan qaldıracaqlarını da vurğulayıb.
