"Xəzər Lənkəran" Andrey Saxneviçlə bağlı qərarını verib.
Bu barədə korner.az-a klubun baş məşqçisi Elbrus Məmmədov deyib.
Cənub komandasının baş məşqçisi ukraynalı futbolçunu bəyəndiyini və komandasında görmək istədiyini bildirib. Rəhbərlik də öz növbəsində Saxneviçi komandada saxlamaq niyyətindədi. Hazırda keçidi kluba qoyulan transfer qadağası əngəlləyir.
26 yaşlı futbolçuya mövsümün sonuna kimi komandada qalmaq təklif olunub. Məhkəmə "Xəzər Lənkəran"ın lehinə qərar verəcəyi təqdirdə Saxneviçlə rəsmi müqavilə imzalanacaq.
