“Mario Souza bizim seleksiyaçı-məşqçimizidi və daima məşqçilər korpusuyla əlaqəli çalışırlar. Lakin klub tərəfindən ona hücumçu axtar tapşırığı verilməyib. Bu barədə nə baş məşqçimizin, nə də rəhbərliyin hələ ki, bir göstərişi yoxdu. Ancaq Mario futbolçuları izləyir və bu təkcə hücum mövqeyinə deyil bütün mövqelərə nəzərdə tutulmuş axtarışdı. Lakin yenə deyirəm sırf hücumçu axtarışı məsələsi yoxdu. Biz ona elə tapşırıq verməmişik”.
Korner.az-a açıqlamasında bu fikirləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.
Qeyd edək ki, mətbuatda cənub klubunun Mario Souzaya hücumçu axtarışına başlamasıyla bağlı təlimat verildiyiylə bağlı xəbərlər yayılmışdı. Klub rəsmisi saytımıza açıqlamasında bunları təkzib etdi.
