Avropa Liqasının birinci təsnifat mərhələsində Estoniyanın "Nomme Kalyu" klubunu mübarizədən kənarlaşdıran "Xəzər Lənkəran" indi də diqqəti transferlərə yönəldib. Belə ki, eston təmsilçisindən də, səviyyəli olan Polşa "Lex"i ilə oyun cənublular üçün heç də asan olmayacaq. Komandanın fəxri prezidenti Mübariz Mənsimov bir neçə səviyyəli legionerin "Xəzər Lənkəran"a mümkün transferindən danışmışdı.
Son günlər isə "Qalatasaray"ın ulduz futbolçusu Milan Baroşun adı "ağ-yaşıllarla birgə hallanır. Bu xəbərin nə dərəcədə düzgün olub-olmadığını klubun icraçı direktoru Höccət Hacıyevdən öyrənməyə çalışdıq. Hacıyev Korner.az-a verdiyi açıqlamada belə bir xəbəri eşitmədyini , ancaq hər şeyin mümkün ola biləcəyini vurğuladı:
"Biz Türkiyə Superliqasından futbolçu transfer edəcəyik və bu oyunçular səvviyəli leginerlər olacaq. Düzdü, adlarını bilmirəm, amma belə bir şey planlarımızda var. Milan Baroşun klubumuzun maraq dairəsində olmasını isə ilk dəfədir eşidirəm. Hər şey mümkündü. Ola bilsin ki, Baroş "Xəzər Lənkəran"a gəlsin. Ancaq mən belə bir şey eşitməmişəm".
