“Xəzər Lənkəran” rəsmisi: “Heç kim bilet qiymətinin baha olmasından şikayət edə bilməz”

"Bu qərarı çox fikirləşmişik. Biletlər 1 manat olan zaman stadiona hər cür adam gəlirdi. Meydançaya kənar əşyalar ataraq oyuna mane olurdular".

Bu sözləri Korner.az-a açıqlamasında "Xəzər Lənkəran"ın icraçı-direktoru Höccət Hacıyev deyib. Lənkəran şəhər stadionununda bilet qiymətlərinin 2 manata qalxmasının səbəblərini açıqlayan Hacıyev, bunu belə izah edib:

"Bilet qiyməti 2 manat olsa, hər cür insan gəlməz deyə düşünürük. Qeyri etik hərəkətlərə yol verməməyə çalışırıq. Bundan başqa siz bilirsiz ki, biz azarkeşlər üçün hər bir şərait yaratmışıq. İllik 30 manat olan abone kartımızı da azarkeşlərimizin ixtiyarına vermişik. Çempionatda 20 oyun var. Bu hər matç başına 1 manat 50 qəpik edir. Həmin kart sahibi azarkeşlərimiz VİP girişindən istifadə edərək stadiona rahat daxil ola bilir və bilet almaq üçün uzun müddət növbə gözləmir. Sonda onu da qeyd edək ki, bizim fan shopdan azarkeşlər üçün, xüsusi endirimlər də olacaq. Əgər sərf edirsə abone kartından istifadə etsinlər. Bu gün heç kim bilet qiymətinin baha olmasından şikayət edə bilməz".

Röya