“Xəzər Lənkəran” yaxın günlərdə 2012/2013 mövsümü üçün yeni abunə kartlarını satışa çıxaracaq. Korner.az-ın klubun rəsmi saytına istinadən məlumatına görə, komanda ötən illərə nisbətən kartların qiymətində endirim edib.
Belə ki, 35 manat dəyərində olan Standart kart artıq 30 manata, 150 AZN dəyərində olan Gümüş kart – 100 manata, 300 AZN dəyərində olan Qızıl kart isə 200 manata qədər endirilib.
2009-cu ildə mövsümlük abunə kartlarının tətbiqi ilə “Xəzər Lənkəran” o zaman ölkə futbolu adına daha bir ilkə imza atmışdı. Azarkeş dəstəyi sarıdan liderliyi son mövsümlərdə heç kimə verməyən cənub təmsilçisinin bu addımı tərəfdarlarının rahatlığını təmin edilməsinə, eyni zamanda marketinq və kommersiya baxımından vacib sayılan sabit gəlirə sahib olmasına hesablanmışdı. Abunə kartlarının qiymətlərinin endirilməsilə klub onun sədaqətli azarkeşləri üçün daha əlverişli şərait yaradır.
Standart, Gümüş və Qızıl kartların özəlliklərini bir daha xatırladırıq:
Standart kart – 30 AZN
– stadiona VİP girişdən daxil olmaq
– 2012/13 mövümü üçün tribunalarda klub tərəfindən müəyyən edilmiş oturacaqlardan istifadə etmək.
Gümüş kart – 100 AZN
– stadiona VİP-girişdən daxil olmaq
– 2012/13 mövümü üçün VİP-B tribunasında oturacaq
– fan-şopda endirim
Qızıl kart – 200 AZN
– stadionun ərazisində avtomobil dayanacağından istifadə etmək
– stadiona VİP-girişdən daxil olmaq
– 2012/13 mövsümü üçün VİP-A tribunasında oturacaq
– klubun rəsmi tədbirlərində iştirak etmək
