Avropa Liqasının I təsnifat mərhələsi çərçivəsində “Slima” ilə oyundan sonra Maltada qalan “Xəzər Lənkəran” növbəti yoxlama oyununu keçirəcək.
Korner.az-ın məlumatına görə, “ağ-yaşıllar” Malta çempionu “Birkirkara” ilə qüvvəsini sınayacaq.Matç “Sirens” stadionunda yerli vaxtla saat 19:00-da – Bakı vaxtı ilə saat 22:00-da başlayacaq.
Qeyd edək ki, “Xəzər Lənkəran” – “Slima” matçı iyulun 11-də Lənkəran şəhər mərkəzi stadionunda keçiriləcək. Saat 20:00-da start veriləcək qarşılaşmanı belçikalı FİFA referisi Vim Smet idarə edəcək.
6 iyul
22:00. “Birkirkara” (MALTA) – “Xəzər Lənkəran” (AZƏRBAYCAN)
