Topaz Premyer Liqasının 26-cı turunda səfərdə “Turan”ın qonağı olacaq "Xəzər Lənkəran" bazasında hazırlığını başa çatdırıb.
Korner.az-ın klubun saytına istinadən verdiyi məlumata görə, bu gün əsas meydanda səhər məşqini keçirən futbolçular baş məşqçi Con Toşakın rəhbərliyi altında taktiki planda müxtəlif çalışmaları yerinə yetiriblər.
Dünənki məşqdə yüngül zədə alan hücumçu Dimitrios Sialmas artıq komandaya qoşularaq səhər məşqində iştirak edib. "Xəzər Lənkəran" bu gün saat 14:00-da bazasını tərk edərək Bakıya yola düşüb.
Qeyd edək ki, “Turan”- “Xəzər Lənkəran” matçı aprel 13-ü “Dalğa Arena”da keçiriləcək.
