Doğma meydanda baş tutan kubok matçında “Neftçi”ni 3:2 hesabı ilə məğlub edən “Xəzər Lənkəran” dayanmadan məşq edəcək.
Korner.az xəbər verir ki, cənub təmsilçisi “Neftçi” ilə oyunun ardından özünün baza-otelində istirahətə çəkilib. Lakin bu istirahət çox sürməyəcək və yalnız martın 3-də səhər saat 11:00-da başlayacaq oyunsonrası bərpa məşqinə qədər davam edəcək. Bir gün sonra martın 4-də isə komanda “Fırtınalar meydanı”nda oyunöncəsi son məşqini keçirəcək.
Qeyd edək ki, “Xəzər Lənkəran” Premyer Liqanın XXIV turu çərçivəsində mart ayının 5-də “Fırtınalar meydanı”nda AZAL klubunu qəbul edəcək. (12cioyuncu.info)
