“Xəzər Lənkəran” ispan baş məşqçisinə yeni vəzifə verdi

Bakes həm baş məşqçi, həm də…

"Xəzər Lənkəran"ın yeni baş məşqçisi Karles Martorell Bakesə klub tərəfindən yeni vəzifə də, verilib.

Korner.az-ın məlumatına görə, bu barədə "Xəzər Lənkəran" klubunun vitse-prezidenti Tuyqun Nadirov ispan çalışdırıcının təqdim etmə mərasimində deyib.

"Ağ-yaşıllar"ın rəsmisi bildirib ki, bundan sonra Bakes "Xəzər Lənkəran"ın qeyri-rəsmi idman direktoru olacaq. 

Nadirov daha sonra yeni futbolçularla bağlı məsələnin təkcə “transfer pəncərəsi”də deyil, artıq indidən gələn yayın işləri üçün çalışacaqlaını deyib:

“Artıq namizədlər var. Lazım olsa, özü, yoxsa nümayəndələrini göndərəcək. Əslində, “Xəzər Lənkəran”da bu sistem olub. Xatırlayırsınızsa, əvvəl nümayəndələrimizi Braziliyaya göndərmişdik. Nəticədə Mario Souza, Dieqo Souza, Juninyo Osvaldo kimi futbolçular çıxdı. Ancaq sonradan bu sistem nədənsə pozuldu. Biz onu bərpa edirik. Yeni baş məşqçimiz qeyri-rəsmi olaraq idman direktoru funksiyasını yerinə yetirəcək”.