Premyer Liqanın XVII turunun 5 matçını 8050 nəfər canlı izləyib.
Korner.az-ın məlumatına görə, turun hər qarşılaşmasında orta hesabla 1610 nəfər olub.
Ən çox “Xəzər Lənkəran” – “Rəvan” qarşılaşmasına azarkeş gəlib. Lənkərandakı matçı 4 min nəfər izləyib. “İnter” – “Sumqayıt” matçına isə cəmi 250 nəfər maraq göstərib.
Xəzər Lənkəran – Rəvan (4000 tamaşaçı)
Simurq – AZAL (2000 tamaşaçı)
Bakı – Qarabağ (1000 tamaşaçı)
Neftçi – Qəbələ (800 tamaşaçı)
İnter – Sumqayıt (250 tamaşaçı)
Ümumilikdə 17 turun 85 qarşılaşmasını 139050 nəfər canlı izləyib ki, bu hər oyuna orta hesabla 1635 azarkeş deməkdi. Ən çox tamaşçı IV turun “Xəzər Lənkəran” – “Neftçi” matçına toplaşıb – 10000 nəfər. I turun “Simurq” – “Rəvan” və VI turun “Simurq” – “Sumqayıt” görüşlərində isə mövsümün antirekordu qeydə alınıb – 150 nəfər.
