Azərbaycanlı referi Avropa Liqasının oyununu idarə edib.
Korner.az-ın məlumatına görə, Vüsal Əliyevin başçılıq etdiyi hakimlər briqadası “Honved” (Macarıstan) – “Flamurtari” (Albaniya) oyununda ədaləti qoruyub.
Vüsal Əliyev oyunda 3 sarı vərəqə göstərib. 65-ci dəqiqədə “Flamurtari”nin kapitanı Niyas Lenanı cəzalandıran referi bir dəqiqə sonra ilk qolun müəllifi Riçard Vernesə sarı vərəqə göstərib. O, 90+3-ü dəqiqədə üçüncü sarı vərəqəni Gergeli Delkeqə verib.
Qeyd edək ki, bu oyunda Vüsal Əliyevə Mübariz Həşimovla Yaşar Abbasov yardım edib. Matçın dördüncü hakimi isə Elçin Məmmədov olub. Görüş 2:0 hesabı ilə macarların xeyrinə başa çatıb.