Baş məşqçilik karyerası qalmaqallarla, yersiz hərəkət və sözləriylə dolu olan Yılmaz Vuralın milli komandamıza baş məşqçi gətirilməsi xəbərini Türkiyə saytları yazdı əvvəlcə. Sonra Azərbaycanın elektron mediasına köçürüldü bu informasiya.
Berti Foqts nə adam, nə də məşqçi kimi doğrultdu özünü burda – bu heç. Amma heç olmasa, 3-5 qəpiklik hörməti var, adı-sanı var Avropada. Foqtsu millidə artıq iki ildi görmək istəmirik və iki ildi onun özünü də, komandasını da boykot eləmişik – bu da öz yerində. Amma Yılmaz Vuralın yığmaya baş məşqçi xəbəri doğrudusa, onda külü qoyum təpənizə, ey "hörmətli" AFFA başbilməzləri. Bugünə qədərki qərarlarınızla onsuz da futboldan heç "zırt" da qanmadığınızı bilirdik, bunu da edəcəksizsə – ki, mən sizdən hər cür qərarı gözləyirəm -, gedək kütləvi intihar-zad eləyək.
Vurala Türkiyə boşboğaz kimi baxıblar həmişə, mırtlaşıblar hər hərəkətiylə. 15 ildi Türkiyə futboluyla maraqlanıram, bu müddətdə bu adamı özünü gah "Fənərbağça"ya, gah da Türkiyə yığmasına sırıyan və qarşılığında həmişə dirsək göstərilən adam kimi tanıdım. İşlədiyi klublarda da futbolçu döyən kimi…
Doğrudanmı bu qədər debilsiz ki, belə birini milliyə gətirirsiz? Deyirəm, amma sonra yadıma düşür ki, elə bil, bu sualı əvvəl də vermiş və məntiqi "hə" cavabı almışdım.
Bədən tərbiyəsi müəllimini milliyə baş məşqçi gətirən adamlarsız da…
Saleh Arslan
