Dünyanın məhşur şahmat portallarından olan chessbase.com saytı Vüqar Həşimov haqqında maraqlı yazı hazırlayıb.
Korner.az-ın məlumatına görə, mərhum şahmatçımızın sevgilisi Elizabet V. Vüqarla yaşadıqları birgə sevgi macəralarını, birgə keçirdikləri anları, Vüqarın bir insan kimi xarakteriktikasını "Vüqar Həşimovu xatırlayarkən" başlıqlı məqalədə paylaşıb.
Həmin yazını olduğu kimi diqqətinizə çatdırırıq:
"Vüqar Həşimovu xatırlayarkən", 1986-2014
Vüqar həyatım boyu tanıdığım ən gözəl insanlardan biridir. Güclü emosional hissləri tez bir zamanda inkişaf etdirərək sevgiyə çevirməyi bacardıq. Biz ancaq cütlük deyildik, ən yaxın dostlar idik. Bu gün sadəcə şahmatın əsas qaydalarını bilsəm də, hələ şahmatı düzgün oynaya bilmirəm. Şahmat heç vaxt bizim münasibətimizdə ciddi rol oynamadı, amma indiyə kimi Vüqarın əldə etdiyi uğurlar və Elo reytinqi onun bu idman növündə ayrıca fitri istedada sahib olduğunu göstərirdi.
(Vüqar və Elizabet Pekində – 2011-ci il)
Özüm bu sahənin insanı olmadığımdan nə Vüqarın iştirak etdiyi yarışların dəyərini, nə də nəticələrini bilərdim. Dediyim kimi heç özüm peşəkar olaraq şahmat oynamağı bacarmıram. Mən həmişə Vüqarın istedadı ilə fəxr eləmişəm, lakin mən daha çox onun digər müsbət keyfiyyətlərinə fikir verirdim, hansı ki, onun oynadığı hər bir parlaq şahmat qələbəsindən daha böyük idi.
Vüqar çox yüksək kefiyyətli insan idi. Çünki o, həmişə başqalarının rifahlarını özünkündən daha çox diqqət yetirərdi. O, gözəllik və estetikliklə dolu bir şəxs idi. Həyatda həmişə sadə şeylərdən sevinc tapar, həmişə üzündə təbəssüm olardı. Onun üçün xoşbəxtlik başqa insanları xoşbəxt eləmək demək idi. Vüqarın maraq dairəsi düşüncəli və geniş idi. O, mədəniyyətlə bağlı hər şeylə yaxınlıq edən bir adam idi: şeirlər yazır, həyat haqqında fəlsəfi fikirləri yürütməyi xoşlayar, saatlarla musiqiyə qulaq asar. mahnıların sözlərini əzbərləyər, lətifələr danışar, kompüterdə tennis və futbol oynamağı xoşlayardı.
Xoşbəxt anlar: Şəhriyar Məmmədovla birgə Pekin
Residiv diaqnozunun qoyulması və baş beyində bədxassəli şişin aşkarlanmasından bir neçə həftə əvvəl o, çoxdandır arzuladığı bir istəyini həyata keçirdi. O, pianoda ifa eləməyi öyrəndi. O vaxtdan bəri Vüqar mənim üçün bir neçə dəfə "River flows on you" pyesini ifa etdi, hansı ki, bu mahnını tez bir zamanda öyrənmişdi. Onun şok diaqnozu barəsində öyrənəndə sevincim və kədərim bir an içində alt-üst olmuşdu. Ancaq onun döyüşkən ruhu və nikbinliyi mənə çox dəstək olurdu. Hətta Vüqar üçün mənəvi və fiziki baxımdan daha çətin olanda belə, o, söykənməyim üçün çiyninə söykənməyim üçün icazə verirdi.
Vüqar və Elizabet Buxarestdə – 2011
Onun cərahiyyə əməliyyatı üçün Bonn şəhərinə getmək barəsində danışdığı anları indiyədək xatırlayıram: Onun üzündə gözəl bir təbəssüm var idi. Bir neçə gün terapiyadan sonra otağına qayıtdığın da belə onun üzündə təbəssüm var idi. Vüqarın təbiətini yalnız yumor, diri və ürəyiaçıq biri kimi təsəvvür etmək olar. Və o bu kefiyyətləri ilə həmişə yadaşımda yaşayacaq.
Nyu York, San sebastian sahilləri – 2012
Vüqar, sənin kimi sevməmişdim. Saysız-hesabsız gözəl xatirələrə görə təşəkkür edirəm. Bu anlarımı səninlə bölüşmək mənim üçün şərəf idi. Sən həmişə qəlbimdə olacaq, atdığım hər addımda məni müşayiət edəcək və səninlə yaşadığım xatirələr məni hər gün şadlandıracaq və cəsarət verəcək.
Vüqar, sən inanılmaz insansan, təşəkkürlər
Tərcümə etdi: İlkin Sultanlı
