“Vulverhempton” Erik ten Haqla danışıqlara başladı
31.10.2025 , 19:00
“Mançester Yunayted”in sabiq baş məşqçisi Erik ten Haq Premyer Liqaya qayıda bilər.
Korner.az xəbər verir ki, “Vulverhempton” rəhbərliyi mövsümə uğursuz başlayan baş məşqçi Vitor Pereyranı istefaya göndərməyi nəzərdən keçirir.
Məlumatlara görə, klub artıq ten Haqla ilkin danışıqlara başlayıb. Qeyd edək ki, “canavarlar” cəmi bir ay əvvəl Pereyra ilə müqaviləni 2028-ci ilə qədər uzatmışdılar.
Hazırda “Vulverhempton” Premyer Liqada sonuncu pillədə qərarlaşıb. Komanda 9 oyundan sonra 2 xal toplayıb və Liqa Kubokunda “Çelsi”yə 3:4 hesabı ilə uduzaraq turnirdən kənar qalıb.
