“Vorskla”nın baş məşqçisi: “Qarabağ” güclü komanda olduğunu sübut edib”
25.10.2018 , 23:45
UEFA Avropa Liqasının qrup mərhələsinin III turunda keçirilən “Qarabağ” – “Vorskla” (0:1) oyunundan sonra keçirilən mətbuat konfransında Ukrayna klubunun baş məşqçisi Vasili Saçko jurnalistlərin suallarını cavablandırdı.
O, əvvəlcə görüş barədə fikirlərini bildirdi…
– Hələ oyundan əvvəl demişdim ki, “Qarabağ” çox güclü komandadı. Qələbədən sonra da eyni fikirdəyəm. İlk hissədə çətinliklər yaşadıq. Xüsusilə də, müdafiədən hücuma keçməklə bağlı. Amma yaxşı hazırlaşmışdıq və qələbə qazana bildik.
– “Vorskla” həmişə belə oynayır, yoxsa bu gün oyunu alınmadı?
– “Qarabağ”ın kreativ oyunçuları var. “Sportinq”lə oyunu yüksək səviyyədə keçirdik. Cəmi 3 dəqiqə zəif oynadıq və məğlub olduq. Bu gün hər şey istədiyimiz kimi alınmadı. Amma şansımız gözlədik və qol vurduq. Oyunun keyfiyyəti üzərində işləməliyik. Daha çox hücumameylli oyunçularımız daha yaxşı oynamalıdı. Hər iki komandanın imkanları oldu. Daha çox müdafiədən oynadıq. Sevinirəm ki, 3 xalı qazanan tərəf olduq. “Qarabağ”a arzulayıram ki, bu məğlubiyyəti unudub, növbəti oyunlara baxsınlar.
– “Sportinq”lə matçda son dəqiqələrdə buraxdığınız qollarla qələbəni əldən vermişdiz. Bu gün eyni şeyləri düşünürdüz, yoxsa “Qarabağ”da həmin potensialı görmədiz?
– “Sportinq” çox güclü komandadı. Eyni zamanda “Qarabağ” da. Komanda bunu neçə ildi ki, bunu sübut edib. Hərəsinin özünəməxsusluğu var, fərqli çempionatlarda oynayırlar. Bu gün heyətdə eksperiment apararaq, risk etdim. Oyun baxımından komndamdan daha çoxunu gözləyirdim. Rəqiblərimizi müqayisə etmək istəmirəm.
– Bugünkü nəticələrdən sonra daha çox xal toplamaq üçün şanslarınızı necə qiymətləndirirsiz?
– Qrşıdakı oyunlarda xallar qazanmağa çalışacğıq. Komand “Qarabağ” kimi 3 cəbhədə mübarizə aprır. Uğur qazanmaq üçün yaxşı ehtiyat qüvvə lazımdı. İndi bizdə bu baxımdan problemlər var. Amma maksimumu etməyə çalışırıq.
