Qadın voleybolçular arasında İtaliya A seriyasında VIII turun oyunları keçirilib
Tur çərçivəsində Azərbaycan millisinin hücumçusu Yelizaveta Səmədovanın şərəfini qoruduğu “Skandiççi” “Lenyano”nun qonağı olub.
Görüş təmsilçimizin komandasının asan qələbəsi ilə yekunlaşıb. Onlar rəqiblərini 3:0 hesabı ilə məğlub edərək, 3-cü pillədəki yerlərini qoruyublar. “Skandiççi”nin aktivində 20 xalı var.
İtaliyaya yollanandan rəsmi görüşlərdə meydana çıxmayan Səmədova bu dəfə də oyunu azarkeş kimi izləyib. Onun ən azı dövrəni belə başa vuracağı gözlənilir.