Vlahoviç yayda “Yuventus”dan ayrıla bilər
12.02.2026 , 19:25
“Yuventus”un serbiyalı hücumçusu Duşan Vlahoviç gələcək mövsümdə Turin klubunu tərk edə bilər.
Korner.az xarici KİV-ə istinadən xəbər verir ki, klub 25 yaşlı futbolçu ilə iyunun 30-da bitəcək müqaviləni uzatmaq niyyətində deyil.
Xəbərdə bildirilir ki, Vlahoviç yayda azad agent statusunda olacaq və bir sıra Avropa klubları onun transferi ilə maraqlanır. Hazırda isə ən ciddi maraq “Çelsi” tərəfindən göstərilir.
Duşan Vlahoviç 2022-ci ildə “Fiorentina”dan “Yuventus”a 83 milyon avroya keçmişdi. Cari mövsümdə o, bütün turnirlərdə 17 oyunda iştirak edib, 6 qol vurub və 2 məhsuldar ötürmə ilə yadda qalıb.
