Vinisus Junior “Real”da qalmaq istəyir
23.01.2026 , 16:15
“Real” Vinisus Junior ilə yollarını ayırmaq fikrində deyil.
Korner.az xəbər verir ki, braziliyalı hücumçu həm şəxsi, həm də peşəkar baxımdan “Real”da olduqca rahat olduğunu bildirib.
Futbolçu ilə klub arasında danışıqlar davam edir və bütün əlamətlər göstərir ki, yaxın aylarda və ya yayda yeni müqavilə imzalanacaq. Hər iki tərəf prosesi tələsmir.
Vinisus 2018-ci ildə “Flamenqo”dan 45 milyon avroya transfer olunub və mövcud sözləşməsi 2027-ci ilin 30 iyununa qədərdir. Bu mövsüm o, 30 oyunda 7 qol vurub və 11 məhsuldar ötürmə edib.
