Vinisius Junior “Real Madrid”dən ayrılmağa yaxındır
13.11.2025 , 11:00
“Real Madrid”in ulduz futbolçusu Vinisius Juniorun komandadan ayrılma ehtimalı gündəmdədir.
Korner.az xarici KİV-ə istinadən xəbər verir ki, braziliyalı vingerin klubla yeni müqavilə ilə bağlı danışıqları nəticəsiz qalıb.
Madrid təmsilçisinin rəhbərliyi artıq 25 yaşlı futbolçunun transferinə razıdır və onun qiymətini 150 milyon avro olaraq müəyyənləşdirib.
Vinisiusun karyerasını davam etdirməsi üçün ən real variant kimi Səudiyyə Ərəbistanı çempionatı göstərilir. Avropanın aparıcı klubları, o cümlədən “Mançester Siti”, bu məbləğ qarşılığında təklif irəli sürməyə tələsmirlər.
Qeyd edək ki, Vinisiusun “Real Madrid”lə müqaviləsi 2027-ci ilin yayına qədər qüvvədədir.
