“Vilyarreal” azarkeşlərə görə hökumətə müraciət etdi
16.10.2020 , 11:02
Avropa Liqasının qrup mərhələsində “Qarabağ”ın rəqibi olan “Vilyarreal” oyunlarında azarkeşlərin iştirak etməsi üçün İspaniya hökumətə müraciət ünvanlayıb.
Korner.az xəbər verir ki, bu barədə AS nəşri məlumat yayıb.
Qeyd edək ki, UEFA-nın qaydasına əsasən, avrokubok matçlarında stadionun tutumunun 30 faizinə qədər azarkeş buraxıla bilər. Bunun üçün yerli orqanların icazəsi olmalıdır.
“Qarabağ” “Vilyarreal”la oktyabrın 29-da evdə, dekabrın 11-də isə İspaniyada üz-üzə gələcək.
Xatırladaq ki, “Vilyarreal”dan öncə “Sivasspor” da ev oyunlarında azarkeşlərin iştirakı üçün UEFA-ya və Türkiyə Futbol Federasiyasına müraciət ünvanlayıb.
