VİDEO: “Qarabağ”ın yağışlı havada məşqi
22.01.2019 , 11:32
“Qarabağ” Antalyada qış təlim-məşq toplanışını davam etdirir. Ağdam komandası günü iki məşqlə tamamlayıb.
İlk məşq fitnes zalında tutub və təxminən bir saat davam edib. Günün ikinci məşqi yerli vaxtla saat 17:00-da start götürüb. Futbolçular bu hazırlığın ilk hissəsində isinmə hərəkətlərindən sonra müəyyən fiziki təmrinləri və toplu çalışmaları yerinə yetirib.
Yağışlı hava şəraitində baş tutan məşqin ikinci hissəsində isə komanda 3 qrupa bölünüb və ikitərəfli oyun oynayıb. Bu dueldə isə “bozlar” qalib gəlib.
