Bu gün mətbuatda (sportlife.az saytında) U-17 Liqasının son turunda baş tutan “Səbail” – “Neftçi” matçı zamanı ev sahibi komandanın baş məşqçisinin rəqibin inzibatçısı Sabir Hacıyevlə əlbəyaxa olduğuna dair xəbərlər yayılıb. Füzuli Məmmədov İdman Azərbaycan kanalının canlı yayımında məsələyə münasibətini bildirərək, xəbəri təkzib edib. O, sadəcə inzibatçı ilə oyunun gərginliyinə görə arasında sərt dialoqun olduğunu deyib. Füzuli Məmmədovun açıqlamalarını təqdim edirik.
