Çempionlar Liqasının qrup mərhələsinin ilk turunun ən yaxşı qolu müəyyənləşib. UEFA-nın saytında keçirilən səsvemənin nəticələrinə əsasən, “Beşiktaş”ın hücumçusu Cenk Tosunun “Portu” ilə səfər oyununda (3:1) vurduğu qol ən yaxşı seçilib.
Azarkeşlərin 37 faizi türkiyəli hücumçunun qolunu bəyənib. Namizədlər arasında “Çelsi”nin hücumçusu Pedro Rodriqesin “Qarabağ”la oyunda (6:0) vurduğu top da var idi. İspan hücumçunun qolu ikinci olub (19 faiz).
“Barselona”nın futbolçusu Lionel Messinin “Yuventus”un qapısından keçirdiyi top isə 3-cü yerə layiq görülüb (18 faiz).
