Veteran futbolçu dünyasını dəyişdi
10.04.2022 , 13:36
Naxçıvanın “Araz” klubunun veteran futbolçusu, “Mirzə” ləqəbli Fərəc Fərzəliyev 56-cı baharında – bu gün dünyasını dəyişib.
Korner.az xəbər verir ki, o, ötən əsrin 80-ci illərində Böyükağa Hacıyev, Məhərrəm Həsənov və Elxan Babayev kimi futbolçularla “Araz”ın şərəfini qoruyub.
Bir müddət “Neftçi”nin əvəzedici heyətində də meydana çıxıb. Fərəc Fərzəliyev vaxtilə geyindiyi “10” nömrəli forması ilə Naxçıvan azarkeşlərinin sevimli hücumçusu olmuşdu. Məzarı nurla dolsun.