“Arsenal”ın baş məşqçisi Arsen Venqer İngiltərə Premyer Liqası 26-cı turu çərçivəsində “Lester”lə keçirəcəyi oyun barədə danışıb.
Korner.az-ın məlumatına görə, təcrübəli mütəxəssis “Lester”in möhkəm kollektiv olduğunu vurğulayıb:
“Qabaqda hələ xeyli tur olsa da, “Lester” özünə etibarlı mövqe tutub. Bu komanda tənqidçiləri susdurdu. Çox adam deyirdi ki, birinci dövrənin sonuna qədər “Lester” artıq lider olmayacaq. Ancaq “tülkü”lər hələ də birincidi. Biz öz oyunumuzu oynamalıyıq. İlk dövrədə onları darmadağın etdik (5:2), lakin sonradan yenə xallar toplamağa başladılar. “Lester”in xal itkilərinə bel bağlamaq olmaz. Öz oyunumuzu oynayıb stabil yolda olmalıyıq”
