Venqer karyerası ilə bağlı: “Özümə söz vermişəm ki…”
22.08.2018 , 08:46
Ötən mövsümün sonunda 22 illik “Arsenal” macərasını başa vuran Arsen Venger gələcək karyerası ilə bağlı açıqlamalar verib.
Hazırda işsiz olan mütəxəssis qərar verməyə tələsmədiyini deyib:
“Tələsik qərar vermək istəmirəm. Sentyabr ayından əvvəl qərar verməyəcəyimlə bağlı özümə söz vermişəm. Baş məşqçiliyi sevirəm, oyun təhlillərini sevirəm, amma şənbə günü gələndə çox çalışıb, yaxşı nəticə əldə etmək lazımdır. Vaxtınızın böyük bir hissəsini bu işə ayırmağınız vacibdir. Tətil düşündüyümdən daha yaxşı keçir. Çox sıx həyat tərzindən sonra insan boşluğa düşməkdən qorxur, amma özümü tez bir zamanda yeni həyatıma öyrəşdirdim. Hər gün idman edirəm, dostlarla oturub yemək yeyirəm, kitab oxuyuram”
1996-cı ildən “topçular”ın baş məşqçisi olan Venger, bu il “Arsenal”dan ayrılıb.