Velosiped

Velosiped məktəbinə yeni direktor təyin edildi

17.03.2022 , 20:47

Azərbaycan Respublikasının gənclər və idman naziri Fərid Qayıbovun 17 mart, 2022-ci il tarixli Əmri ilə Səməndər Allahverdiyev Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinə director təyin edilib.

Korner.az xəbər verir ki, bu barədə Azərbaycan Velosiped Federasiyasının (AzVİF) mətbuat xidməti məlumat yayıb.

Yeni direktorun kollektiv üzvlərinə təqdimat mərasimində Bakı şəhər Gənclər və İdman Baş İdarəsinin rəisi Raqif Abbasov, AzVİF-in baş katibi Elnarə Musayeva və İcraiyyə Komitəsinin üzvü Vüqar Salahov iştirak ediblər.

Səməndər Allahverdiyevi təyinatı münasibətilə təbrik edən Raqif Abbasov ona gələcək fəaliyyətində uğurlar arzulayıb və bildirib ki, nazirliklə federasiyanın birgə səyləri nəticəsində velosipedçilərimizin ustalıq səviyyəsinin daha da artırılması üçün olduqca münbit şərait var.

Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinin yeni direktoru Səməndər Allahverdiyev ona göstərilən yüksək etimada görə gənclər və idman naziri Fərid Qayıbova təşəkkürünü bildirərək məktəbin ənənələrinin qorunması və daha da inkişaf etirilməsi üçün var gücü ilə çalışacağını deyib.

Son yazılar

Yuxarı