AZAL-ın baş məşqçisi Vaqif Sadıqov saytımıza müsahibə verib.
Korner.az həmin müsahibəni nəzərinizəçatdırır.
-Vaqif müəllim dünənki oyunla bağlı fikirlərinizi bilmək istərdik.
-Oyun çox gərgin və maraqlı keçdi. Hesab edirəm ki, heç-heçə oyunun ədalətli nəticəsi idi.
-Oyundan sonra həmkarınız Milinko Pantiç hakimlikdən narazılıq etdi. Siz necə düşünürsünüz dünənki oyunda hakimliyin səviyyəsi sizi qane etdimi?
-Pantiç etiraz edirsə, bəs biz nə edək? Qapımıza vurulan ikinci qolda oyundan kənar vəziyyət varıydı məncə. Amma hakimdə insandı, məncə Rəhim Həsənov oyunu yaxşı idarə etdi.
-AZAL-ın çempionatdakı məqsədi, hədəfi nədir?
-Mən bu suala əvvəldə cavab vermişəm. Bizim qarşımızda təəssüf ki, konkret məqsəd yoxdur. Biz əliməzdən gələni edib yüksək pillələrdə olmağa çalışacağıq.
-Junir Osvaldonun komandada baxışda olduğunu bilirik. Onunla bağlı son qərarınızı vermisinizmi?
-Biz bu məsələdə tələsmək istəmirik. O, çox yaxşı futbolçudur, ancaq vaxta ehtiyacı var. O hələ ki, bizimlə məşq edir əvəllki formasını bərpa etməyə çalışır.
