Türkiyə PTT I Liqasında 8-ci turun oyunları başa çatıb.
Korner.az-ın məlumatına görə, Vaqif Cavadov, Rəhman Hacıyev və Ufuk Budakın çıxış etdiyi “Qaziantep B.B” səfərdə “Orduspor”la qarşılaşıb.
Oyun Qaziantep təmsilçisinin 2:0 hesablı qələbəsi ilə başa çatıb. Vaqif Cavadov və Ufuk Budakın start heyətində meydana çıxdığı və 90 dəqiqə meydanda olduğu qarşılaşmanın ilk qolunu 74-cü dəqiqədə Cavadov vurub. Rəhman Hacıyev isə oyunun iştirak ərizəsinə daxil edilməyib.
Qeyd edək ki, bu qələbə “Qaziantep B.B”-nin bu mövsüm liqada ilk qələbəsidir. Vaqif Cavadov isə liqada 2-ci qolunu vurmuş oldu.
“Qaziantep B.B” 8 turdan sonra 7 xalla turnir cədvəlinin 14-cü pilləsindədir.
