Bu gün "Keşlə" yeni baş məşqçi Yuri Maksimovun rəhbərliyi altında Türkiyədə 3-cü sınaq matçına çıxıb.
Rusiyanın birinci dəstə təmsilçisi “Yenisey” ilə qarşılaşan paytaxt təmsilçimiz heç-heçəyə razı olub. Oyundan sonra "Keşlə"nin futbolçusu Vaqif Cavadov jurnalistlərin suallarını cavablandırıb.
– Oyun haqqında fikirlərinizi öyrənmək istərdik.
– Hər iki komandada yorğunluq hiss olunurdu. Buna baxmayaraq, qol imkanlarımız çox oldu. Oyun da maraqlı keçdi. Əsas odur ki, zədələrimiz olmadı. Bütün fikirlərimiz ayın 11-nədi. Çalışacağıq ki, qələbə qazanaq.
– 3 oyun oynadınız, 1 qələbə 1 heç-heçə və 1 məğlubiyyət. Ümumiyyətlə, toplanışı necə dəyərləndirərdiniz?
– Yenə də deyrirəm nəticəyə baxmırıq. Əlbəttə ki, həmişə udmaq istəyərik. Lakin indi yeni oyunçuları baxışdan keçirmək lazımdır. Ona görədə hələki belə nəticələr normaldı. Gündə 2 dəfə məq edirik. Yorğunluq var. Buna baxmayaraq, məqsədimiz ilk çempionat oyunudu. Necə başlasaq elə də davam edəcək.
– Səncə start heyət üçün mübarizə çətin olmayacaq?
– Xeyir, əsas olan baş məşqçinin fikridi. Kim güclü olacaq o da oynayacaq Elə məqamdayıq ki, kimsə kiməsə görə oynayası deyil.
– Uzun müddət klubsuz qaldın. Formanı bərpa etməkdə çətinlik çəkmədin?
– Oyunlarda görəcəksiz ki, hazıram yoxsa yox.
– Yığmanın sonuncu oyunu haqda nə düşünürsən?
– İndi tezdi nəsə demək üçün. Sadəcə uğurlar arzulayıram.
– Yığmada özünü görürsən?
– Ümid edirəm ki, əsas heyətə düşək və özümüzü sübut edək.
