“Oyun çətin keçdi. Belə olacağını bilirdik. Oyuna yaxşı hazırlaşmışdıq. “Rəvan” yaxşı komandadı. Yeni baş məşqçiylə daha da yaxşı futbol oynayırlar artıq. Amma nədənsə 1:1-dən sonra çox vaxt uzadırdılar. Bilmirəm bəlkə də, yorğunçuluqdan idi. Onlar vaxt uzatdı, Allah da bizə kömək oldu qol vurduq. Düzdü biz buraxdığımız qola qədər fərqi artıra bilərdik. Qol epizodlarımız oldu, ancaq yararlana bilmədik. Biz futbol oynamaq istəyən və bundan zövq almağa çalışan komandayıq. Əsas odur ki, 3 xalı qazandıq. “Rəvan” komandasına uğurlar arzulayıram”.
Korner.az-ın məlumatına görə, bu fikirləri “Rəvan”la oyundan sonra “İnter”in hücumçusu vaqif Cavadov səsləndirib.
Futbolçu həmçinin komanda yoldaşı Salukvadze və “Rəvan”ın köməkçi məşqçisi Fizuli Məmmədov arasındakı anlaşılmazlığa da aydınlıq gətirib:
“Mən ona görə üzr istədim. sonra Laşa və Fizulini də bir araya gətirdim və onları barışdırdım. Fizuli bizim böyük qardaşmızıdı. Biz Laşaya hər şeyi başa saldıq. Və ümid edirik ki, bir də belə şeylər olmayacaq”.
