Türkiyə PTT 1-ci Liqasında 18-ci turun oyunları keçirilir.
Korner.az-ın məlumatına görə, milli komandamızın üzvü Vaqif Cavadovun çıxış etdiyi “Boluspor” doğma meydanda millimizin digər üzvü Ufuk Budakın çıxış etdiyi “Qaziantep B.B”-ni qəbul edib.
Oyun Bolu təmsilçisinin 3:1 hesablı qələbəsi ilə başa çatıb. Vaqif oyuna 87-ci dəqiqədə Priyoviçin əvəzinə daxil olub. Ufuk isə oyuna start heyətində başlayıb və 90 dəqiqə meydanda olub.
Qeyd edək ki, 18 turdan sonra “Boluspor” 23 xalla 10-cu, “Qaziantep B.B” isə 20 xalla 12-ci pillədə qərarlaşıb.
