Topaz Premyer Liqasında noyabr ayının ən yaxşı oyunçusu seçilmiş Vaqif cavadov fikirlərini bildirib.
Korner.az-ın məlumatına görə təcrübəli forvard bu sözləri deyib:
“Sorğuda mənə səs verən hər kəsə təşəkkürümü bildirirəm. Arzu edirəm ki, hər bir futbolçu layiq olduğu şəkildə bu adı qazana bilsin. Yerli futbolçuların mükafat qazanması sevindirici haldır. Bunun ardıcıl olmasını arzulayıram. Futbolmuzu yerli oyunçuların qaldıracağına inanıram. Milli komandanın baş məşqçisi haqqında çox fikirlər səslənir. Yeni baş məşqçinin təyin olunması İcraiyyə Komitəsinin səlahiyyətindədir. Mənim fikrimcə, Berti Foqts qalmalıdır. Milli komandanın qazandığı nəticələr vacibdir. Son oyunlardakı kimi çıxış etsək, uğur qazanarıq. Növbəti seçmə mərhələdə qrupdan çıxmaq istəyirik. Hər bir idmançıda zədə, yaxşı və yaxud pis mövsüm ola bilər. “İnter” komandası olaraq artıq toparlanmışıq. İlk turlardakı məğlubiyyətlərdən sonra özümüzə gəlmişik, liderlər qrupuna yaxınlaşırıq. Bu mövsüm mükafatçılar sırasına düşmək istəyirik. Əsas hədəfimiz – çempionluqdur. Bu nəticəni qazanmaq üçün həm futbolçular, həm də rəhbərlik əlindən gələni əsirgəmir”.
