“Simurq”un icraçı direktoru Vaqif Əliyev "Arsenal"ın futbolçusu Andrey Arşavinin Azərbaycan klublarından birinə keçmək ehtimalı ilə bağlı sports.ru saytına açıqlama verib.
Korner.az-ın məlumatına görə, klub rəsmisi rusiyalı jurnalistlərlə söhbətində belə danışıb:
"Mən bu xəbəri yenicə eşitmişəm. Hesab edirəm ki, Arşavinin Azərbaycanda peyda olması tamamilə realdı. Onun bizim çempionatda hər bir kluba faydası dəyə bilər. Amma biz onu almağa iddia göstərmirik.
Digər klublarımızın pulu haqda danışmağım düzgün olmaz. Sadəcə, onu deyə bilərəm ki, əsas Andreyin özünün Azərbaycanda oynamaq arzusudu. Bundan sonra maddi cəhətdən razılığa gəlmək olar. İstənilən klubun azarkeşləri də Andreyi böyük sevinclə qəbul edər".
