“Vəziyyəti dəyişməyə çalışdıq, ancaq alınmadı” – Rövşən Babayev
21.09.2019 , 20:59

“Sabah”ın baş məşqçi əvəzi Rövşən Babayev Azərbaycan Premyer Liqasının V turunda “Sumqayıt”a səfərdə 0:1 hesabıyla uduzduqları matçdan sonra keçirilən mətbuat konfransında fikirlərini bildirib.
Korner.az xəbər verir ki, məşqçi oyunu şərh edib:
“Rəqibi təbrik edirəm. Hava şəraiti öz sözünü dedi. Qısa müddətdə komandada vəziyyəti dəyişməyə çalışdıq, ancaq alınmadı. İşimizi davam etdirərək son pillədən qurtulmağa çalışacağıq. Hiss olunur ki, hücumda çatışmazlığımız var. Gücləri çatmır, keyfiyyət istənilən deyil. Hücumdakı futbolçularımız yüksək səviyyədə deyil”.
