Azarkeşlərə təşəkkür edirəm. Bizə dəstək oldular. Çətin də olsa, istəyimizə nail olduq. Bəxtimiz gətirdi. Final isə bir oyundan ibarətdir. Nəyimiz var ortaya qoyacağıq. Çalışacağıq gözəl futbol nümayiş etdirək. Hamı bilir ki, “Qarabağ” güclüdür”.
Korner.az-ın “Qafqazinfo”ya istinadən yaydığı xəbərə görə, bu sözləri “Neftçi”nin baş məşqçisi Vəli Qasımov Azərbaycan kubokunun yarımfinalında “Qəbələ”yə penaltilər seriyasında 4:3 hesabı ilə qalib gələrək finala yüksəldikləri oyundan sonra deyib.
O, matçdan əvvəl penaltilər seriyası haqda düşünmədiklərini bildirib:
“Buna elə də hazırlaşmamışdıq. Sadəcə, məşqdə bir dəfə buna ehtiyac duymuşduq. “Qəbələ”nin futbolçularının səviyyəsi daha yüksəkdir. Bizim futbolçuların çoxu isə cavandır. Onlara da inanıram. Biz “Qəbələ”ni analiz etmişdik. Çətin olacağını bilirdik”.
