"Mən uğursuz nəticəyə görə AFFA rəhbərliyindən üzr istədim". Bu sözlər U-19-un Rusiyadakı fiaskosundan sonra baş məşqçi Vəli Qasımovun mətbuata verdiyi müsahibəsindən bir cümlə idi. Yığmamızın Valentin Qranatkinin xatirə turnirindəki biabırçı çıxışı çox müzakirə olundu. Amma bu utancverici nəticələr bir yana, Qasımovun Azərbaycan xalqından deyil, AFFA-dan üzr istəməsi həqiqətən xəcalətverici, bəlkə də gözyaşardıcı idi. Sankt-Peterburqda biabır olan Azərbaycan idi, bayraq idi, xalq idi, Qasımov. Sən üzrü bunlardan istəməliydin, səni U-19-a gətirəndən, pulverənindən yox… Pul çox şeydi, bəlkə də… Ancaq hər şey deyil, onunla sevgini almaq olmur, Vəli əfəndi… Satmaq asandı onu, almaq mümkünsüz..!
