Yamaykalı sprinter Useyn Bolt iddialı açıqlama verib.
Korner.az-ın xəbərinə görə, o, Rioda jurnalistlərə bildirib ki, hər üç yarışda (100 metr məsafəyə qaçış – 13 avqust, 200 metr məsafəyə qaçış – 16 avqust və estafet yarışı – 18 avqust) qızıl medal qazanacağına əmindir:
“Bəli, hər üç qızıl medalı qazanacağam. Yarışa çıxanda qələbədən başqa heç nə barədə fikirləşmirəm. Qarşıma böyük hədəflər qoyuram və buna nail olanda özümü xoşbəxt sayıram. 200 metr məsafəyə qaçmaqda yeni dünya rekordu müəyyənləşdirmək istəyirəm. Məqsədim odur ki, bu məsafəni 19 saniyədən daha tez qət edim. Bilmirəm, buna nail olacam, ya yox, amma cəhd edəcəyəm”.
