İngiltərədə transfer pəncərəsinin bağlanmasına saylı saatlar qalmış "Mançetr Yunayted"ə transfer olunan Marouan Fellaini, dünyanın ən böyük klubuna keçdiyini deyib.
Korner.az-ın məlumatına görə, 27,5 milyon avro qarşılığında "Qırmızı Şeytanlar"a keçən Belçikalı oyunçu, "Mançestr Yunayted"ə keçməsini çoxdan gözləyirmiş. Fellaini müsahibəsində bunları deyib:"Belə böyük bir klubda oynayacağım üçün çox sevinirəm. Dünyanın ən yaxşı klubuna gəlmişəm. Transferim çətin olsada mən sona qədər gözlədim. Bu kluba transfer olmaq üçün çox çalışdım. Uşaqlığda ən böyük arzum "Mançestr Yunayted"in formasını geyinmək idi."
Qeyd edək ki, Fellaini "Mançestr Yunayted"dən əvvəl Evertonun şərəfini qoruyurdu. 2008-ci ildən bu yana, Evertonun formasında 177 oyuna çıxmışdı.
