Uqo Loris “Los-Anceles”lə yeni müqavilə imzladı
05.12.2025 , 11:33
“Tottenhem”in sabiq qapıçısı Uqo Loris ABŞ-da karyerasını davam etdirmək qərarını rəsmiləşdirib.
Korner.az xəbər verir ki, Kaliforniya təmsilçisi ilə bağlanmış yeni müqavilə 2026-cı ilin sonunadək qüvvədə olacaq. Sazişdə əlavə bir mövsüm uzatma seçimi də yer alır.
Loris 2024-cü ilin qışında MLS klubuna transfer olunmuşdu. Cari mövsümdə “Los-Anceles” pley-off mərhələsində 1/4 finala qədər yüksəlsə də, “Vankuver”ə yenilərək mübarizəni dayandırıb.
38 yaşlı təcrübəli qapıçı bu mövsüm 35 oyunda forma geyinib və 38 qol buraxıb.
