Ulduz qolkiper heyətə daxil edilmədi
01.05.2024 , 11:15
Bu mövsüm “Real Madrid”də dizindən iki dəfə zədə alan Tibo Kurtua Belçikanın 2024-cü il futbol üzrə Avropa çempionatı üçün heyətinə daxil edilməyəcək.
Korner.az xəbər verir ki, bu barədə Belçika millisinin baş məşqçisi Domeniko Tedesko açıqlamasında deyib:
“Bu məsələ ilə bağlı artıq hər şey deyilib. Biz bütün diqqətimizi formada olan və zədəsi olmayan futbolçulara yönəltmişik”.
Bu mövsüm 48 matçı buraxan Kurtua “Real Madrid”in La Liqada “Kadis”lə oynayacağı matçda formasını geri qaytara bilər.
