Ulduz oyunçunun xanımı qəza keçirdi
02.03.2026 , 19:30
“Fənərbağça”nın müdafiəçisi Nelson Semedonun həyat yoldaşı Marlene Alvarenga yol qəzası keçirib.
Korner.az Türkiyə mətbuatına istinadən xəbər verir ki, hadisə Yavuz Sultan Selim körpüsü istiqamətində baş verib.
Xəbərdə bildirilir ki, mikroavtobus sürücünün idarəetməni itirməsi nəticəsində aşıb. Hadisə yerinə gələn polis və təcili tibbi yardım əməkdaşları yaralılara ilkin yardım göstərib və onları xəstəxanaya çatdırıblar.
Hazırda hadisə ilə bağlı araşdırma davam edir.
