Ulduz oyunçunun heykəli dağıdıldı – Foto
01.12.2025 , 17:05
Argentinalı ulduz Lionel Messinin Mar del Plata şəhərində yerləşən heykəli naməlum şəxslər tərəfindən dağıdılıb.
Korner.az xəbər verir ki, bu barədə xarici KİV məlumat yayıb.
Bildirilir ki, heykəli zədələyənlər millinin keçmiş hücumçusu Serxio Aqueronun abidəsinin qoyulmasını tələb ediblər.
Sözügedən heykəl Argentina yığmasının 2022-ci ildə Qətərdə qazandığı dünya çempionluğuna ithaf olunmuşdu.
Hazırda 38 yaşında olan Messi bu mövsüm “İnter Mayami”nin heyətində 41 matça çıxıb, 38 dəfə fərqlənib və komanda yoldaşlarına 23 məhsuldar ötürmə verib.
