Ulduz futbolçu sabiq komandası ilə bağlı planını açıqladı
06.02.2026 , 16:00
Lionel Messi gələcəyi ilə bağlı önəmli qərar verib.
Korner.az xəbər verir ki, hazırda ABŞ-ın “İnter Mayami” klubunda çıxış edən argentinalı ulduz uzunmüddətli perspektivdə sabiq komandası “Barselona”ya qayıtmağı planlaşdırır.
Məlumata görə, Messi bu qərarını artıq qəti şəkildə müəyyənləşdirib. Lakin onun Kataloniya klubuna futbolçu kimi, yoxsa idarəçilik vəzifəsində dönəcəyi hələlik açıqlanmayıb.
Xatırladaq ki, 8 dəfə “Qızıl top” mükafatına layiq görülən Messi 2021-ci ildə maliyyə problemləri səbəbindən “Barselona”dan ayrılmışdı. Hazırda isə o, ötən ilin payızında imzaladığı müqaviləyə əsasən “İnter Mayami”də 2028-ci ilin sonuna qədər çıxış edəcək.
