Karyerası ərzində “İnter”, “Tottenhem” və “Liverpul” kimi komandalarda oynamış irlandiyalı futbolçu Robbi Kinin yeni komandasının adına aydınlıq gəlib.
37 yaşlı futbolçu karyerasını Hindistanda davam etdirəcək.
Son olaraq ABŞ-ın “Los Anceles Qalaksi” klubunda top qovan hücumçu “Atletiko de Kolkata” klubu ilə münasibətlərini rəsmiləşdirib. O, Benqaliya təmsilçisi ilə 1 illik sözləşmə imzalayıb.
Kin 1998-2016-cı illərdə İrlandiya millisinin heyətində 146 oyun keçirib.
